Lalakon Kadalon-Dalon

 

Lalakon Kadalon-Dalon

Kumpulan Carpon

Déri Hudaya

92 halaman

Ukuran 14x20 cm

ISBN: 978-602-5488-08-5

Cetakan 1,  November 2018

“Uy, saha?” ceuk salah saurang.

“Saha, nya?” ceuk anu séjén mairan.

“Sttt!”

Tingketeyep, jéjéngkéan, ngepung Balé Ageung. Tuluy noong tina jandéla nu kabeneran molongo.

“Goblog sekali!” ceuk anu noong pangheulana.

“Saha nu goblog téh?” ceuk anu seseledek tukangeunana. “Ka aing?”

“Dasar nu burung!” ceuk nu keur noong.

“Ka saha ari sia? Hayang ditampiling?” ceuk anu panasaran.

“Abong nu gélo!” ceuk anu noong.

“Sing puguh ari cacapék téh? Bising katalapung!” ceuk anu seseledek teu kabagéan noong bari jeung enyana jekok najong kana bobokong sataker tanaga.

“Si Éta! Si…” teu kebat da kaburu napsu hayang males najong.

Déri Hudaya lahir di Sukawangi, Singajaya, Garut Kidul, 3 September 1989. Nulis karangan sastra dina wangun puisi jeung prosa dina basa Sunda jeung basa Indonésia. Kungsi aktip di komunitas sastra Majelis Sastra Bandung, Turus, Béngkél Ngarang Basa Sunda. Taun 2012 kapilih jadi pamilon Temu Sastrawan Mitra Praja Utama nu digelar di Yogyakarta jeung Temu Penyair Muda Jawa Barat nu digelar di Cibutak Foundation, Bandung. Novél tarjamahan Sunda-Indonésia Déng karya Godi Suwarna minangka buku kahijina nu geus medal taun 2016. Ieu kumpulan carpon téh jadi buku kaduana. Ampir sakabéh carpon dina ieu buku ditulisna waktu masih kénéh jadi mahasiswa Jurusan Pendidikan Bahasa Sunda, Universitas Pendidikan Indonesia (2008-2012) jeung waktu nuluykeun sakola ka Program Pascasarjana Kajian Budaya, Universitas Padjadjaran (2013- 2015). Kiwari geus mulang ka lemburna, gawé tani bari ngajar di Fakultas Ilmu Komunikasi, Universitas Garut. Salah sahiji novél basa Sunda petingan nu kungsi jadi pinunjul Sastra Rancagé keur ditarjamahkeun kana basa Indonésia, diancer-ancer rék diterbitkeun jadi bukuna anu katilu.